Ontvang, kom vóór gee

“Alles kom tog van U af en ons gee aan U wat ons van U gekry het”
1 Kronieke 29:14.

Dankbare mense weet “ontvang” kom altyd voor “gee”.
Alles wat ons het kom van God af, en behoort aan Hom! Alles!
Ons lewe, gesondheid, intellek, talente, gawes, werk, huis, kos, geld…
Dat God dit aan ons gee om te geniet en te gebruik is genade.
Ons kan daarom, uit dankbaarheid, dit met ander deel.

Iemand het treffend gebid:
“Lord, I can’t hold much, but I can overflow a lot”.

Rudyard Kipling het op ‘n gradeplegtigheid aan studente gesê:
“You will go out from here and very likely you’ll make a lot of money,
and one day you’ll meet someone for whom that means very little.
Then you will know how poor you are.”

Dankbaarheid, en om te weet dat jy eers ontvang, voor jy verdien,
en kan gee, sal help dat jy nie hierdie toets dop nie.
“Alles kom van U af en ons gee aan U wat ons van U gekry het.”
Onthou ook Johannes 1:16:
Uit sy oorvloed het ons almal genade op genade ontvang.

Frederick Buechner het gesê:
Waar jou diepste vreugde en dankbaarheid oor God se seën,
en die wêreld se diepste honger en nood ontmoet,
dáár wil God jou gebruik.

Ernest