God sien dwarsdeur ons!

<p>John Grisham is een van die bekendste skrywers<br>
in die wêreld. Sy eerste blitsverkoper was “The Firm”.<br>
Dit handel oor ‘n jong man, Mitch McDeere, wat vir<br>
‘n regsfirma werk. Stelselmatig ontdek hy dat hulle<br>
alles van hom weet! Hulle luister hom af, agtervolg<br>
hom, en het versteekte kameras in sy huis waarmee<br>
hulle hom en sy vrou dophou.<br>
Dit maak hom paniekerig, en dit lei tot ‘n spanningsvolle<br>
fliek waarin hy hulle korrupsie uiteindelik ontbloot.<br>
Die rede is dat hulle een ding nie van hom geweet het<br>
nie: Hy kon hulle uitoorlê omdat hulle nie sy gedagtes<br>
kon lees nie!</p>
<p>Dawid sê in Psalm 139:1-2 dat God ook alles van ons weet,<br>
letterlik alles! Hy ken selfs ons gedagtes! Vers 1-2 sê:<br>
“Here, U sien dwarsdeur my, U ken my. Of ek sit en of ek<br>
opstaan, U weet dit, U ken my gedagtes nog voordat hulle<br>
by my opkom.” God weet wat ons gedagtes gaan wees,<br>
selfs nog voordat ons weet! God weet alles van jou,<br>
sien alles van jou, en is altyd by jou!</p>
<p>Daar is egter ‘n baie groot verskil met die van Mitch in<br>
“The Firm.” Die verskil is dat dit jou vul met vreugde!<br>
Dawid is vol vreugde daaroor! Dink net:<br>
God is deurgaans by ons in sy voorsiening, sorg en liefde.<br>
Hy is jou alomteenwoordige Vader wat jou eenvoudig<br>
verwonderd laat oor alles. Hy ken jou hartseer en jou<br>
vreugde, jou spanning en jou vrede, jou gesondheid en<br>
jou siekte, jou hele lewe! En jy is in sy hand!</p>
<p>Dit is natuurlik heeltemal andersom vir iemand wat nie<br>
vir God en saam met God wil leef nie. Vir so iemand kan<br>
dit ‘n Mitch McDeere lewe wees! Nog erger. Want God<br>
ken ook gedagtes, wat “The Firm” nie kon doen nie.</p>
<p>God weet presies wat in ons lewe aangaan.<br>
Juis dit gee ons soveel vreugde! Ons hoef selfs nie eers<br>
die slegte nuus te breek oor ons sonde nie. Juis omdat<br>
ons dit nie kan wegsteek nie, kan ons op God se<br>
uitnodiging met vrymoedigheid na Hom toe gaan om<br>
die saak uit te maak!<br>
Dink net hoe sou dit wees as God nie alles van ons af<br>
geweet het nie, en ons probeer wegsteek en ‘n leuen<br>
lewe.<br>
Daar is juis soveel vreugde in ons lewe,<br>
omdat ons Vader alles van ons weet! Dankie Here!</p>
<p>Ernest</p>